Home International Un mama Ingles(32) a invita futbolista menor di edad pa sex

Un mama Ingles(32) a invita futbolista menor di edad pa sex

SHARE

LONDEN – Dos aña pasa un muher Ingles a haci sex cu un mucha homber di 14 aña, segun media internacional. Dos mucha homber tawata hungando futbol pafo ora cu e muher, mama di tres yiu, a invita nan pa bin paden pa bebe algo.
E siman aki e caso di inmoralidad a wordo trata. Teah Vincent (32) a admiti cu el a haci sex cu e mucha homber den su cas den e pueblo Ingles di Woolaston, pero a alega cu e mucha homber a bise cu e tin 16 aña, locual ta nifica cu e sex lo no ta contra ley.
Corte a tende ful un otro storia for di autoridadnan. E mucha homber a conta cu e tawata tin 14 aña y cu e tawata bayendo scol ainda. E y un amigo mas bieuw cune a wordo invita pa bai paden pa bebe un glas di awa.
E muher tawata haci remarke tocante su mesun curpa y tawata haci joke tocante sex. Ora el a invita esun mas jong pa bai cune den su camber, e mucha homber a pensa cu nan lo bai wak television of hunga videogames, segun e version di e mucha homber.
Nada di esey a pasa. E muher a kita su paña y a cuminsa haci actonan sexual. “E muher a sinta 5 minuut largo y keda move ariba abou ariba e curpa di e mucha homber di 14 aña”, ta e version cu a wordo duna na corte. E incidente a tuma lugar na aña 2018.
„E mucha homber tawata sinti cu esaki no ta algo bon”, fiscal a bisa. „E tawata sa cu e ta menor di edad y cu tin un diferencia di edad grandi.
“Finalmente e mucha homber a pusha e muher for di riba dje y a logra huy bai pafo,” segun e fiscal.
E mama di e mucha homber a bai reclama e muher y a grita ’Ta ki *** esaki ta?! Bo a haci sex cu un mucha homber di 14 aña?! Esaki ta mi yiu!”. E muher a contesta ’yama polis anto!’. Finalmente e asunto a bira un caso den corte. Hues ainda mester duna sentencia.