Home International Mama di hoben asesina, a wordo tira durante entiero di su yiu

Mama di hoben asesina, a wordo tira durante entiero di su yiu

SHARE

Quasheda Pierce di 39 aña tawata mirando e caha di su yiu di 18 aña bai den tera ora cu diripente el a tende tiro. El a sinti kimamento na su pia y a cai na suela.
„Mi no sa kiko a pasa, mi a perde conocemento. Ultimo cos cu mi ta corda ta cu mi a bira wak mi mama y bise: ’Nan a tirami’”, Pierce a conta ABC.
E tiroteo a tuma lugar e fin di siman cu a pasa na Cocoa, Florida. Aparentemente ta trata di un mucha homber di apenas 16 aña. E pistola cu e tawata tin a los un tiro inespera, segun un vocero di polis. E mucha homber mes tambe a wordo herida.
Pierce no ta kere e version di polis y esey ta logico, pasobra su yiu tambe a wordo tira mata door di un agente policial. „Ningun di e muchanan presente tawata tin arma. Mi no ta compronde nada di esaki. Mi no sa di kiko nan ta papia. Tur tawata muchanan di scol.”
E yiu di Pierce tawata den auto cu un amigo y nan a sigui core na unda nan mester a stop. Polis a kere cu e auto den cual nan tawata coriendo a wordo horta. Ora agentenan policial a acerca e auto, a parce manera e mucha homber y su amigo di 16 aña tawata planeando pa dal e polis cu e auto. Esaki a saca su arma y tira riba e auto. Tur dos mucha homber a fayece. Segun famia e auto ningun momento a wordo horta, pero a wordo fia na e muchanan door di un familiar.