Un enfermera Britanico a wordo deteni pa di 3 biaha en coneccion cu asesinato di 8 baby y intento di asesinato di 9 otronan den e hospital na unda e tawata traha. E ta sera preventivamente en espera di su caso.
Ya pa 3 aña polis di Cheshire ta bezig cu un investigacion en coneccion cu morto di 17 baby y 16 incidente casi fatal den e hospital Countess of Chester entre maart 2015 y september 2016. Den e investigacion ey e enfermera Lucy Letby ya caba a aparece 2 biaha como sospechoso. Na aña 2018 y 2019 el a wordo deteni y despues poni den libertad.
Cu e ta wordo deteni pa di 3 biaha tin di haber, segun polis, cu informacion nobo cu a wordo haya den e caso. „E investigacion ta extremadamente dificil pero hopi activo y e ta andando continuamente”, un vocero di polis a bisa BBC.
E mayornan di e babynan ta wordo teni na altura continuamente. „Esaki ta algo hopi dificil pa tur e famianan envolvi, pero nan tin derecho ariba un contesta,” inspector Paul Hughes a bisa BBC.
Enfermera Britanico deteni pa di 3 biaha pa asesinato di un cantidad di baby
87
previous post