Home International Twitter y Facebook ta frena alegacionnan prematuro di victoria

Twitter y Facebook ta frena alegacionnan prematuro di victoria

SHARE

Twitter a sconde y label Donald Trump su tweet, den cual e ta reclama cu su oponentenan ta “purbando di horta e eleccion”. Tambe el a limita e abilidad di usuarionan pa like y reply ariba e post. E no a actua ariba ningun di Biden su tweets.
Facebook, mientrastanto, a pone fact check ariba un mensahe identico cu a wordo publica ariba su plataforma, pero no a bai mas leu cu esaki.
Facebook automaticamente a bin ta pone label na tur posts reciente ariba accountnan di Trump y Joe Biden.
Facebook a bisa cu el a activa un manera pa pone notificacion ariba tur timelines di usuarionan Mericano, splicando cu e eleccion ainda no a wordo dicidi.
“Asina cu Presidente Trump a cuminsa reclama victoria prematuro, nos a cuminsa cu nos notificacionnan ariba Facebook y Instagram cu votonan ainda ta den proceso di wordo conta y cu un ganador no por wordo projecta,” el a bisa.
Twitter a bisa di a label Trump su tweet tocante “hortamento” di eleccion, pasobra el a viola e polisa di integridad civico di nan compania.
Pero e plataforma aki ta parce di a toch laga pasa algun reclamo di victoria, a pesar di e advertencia cu e no lo bai haci esaki.
Un tweet anterior di Trump, den cual el a bisa di ta disfrutando di un “victoria grandi” a wordo laga manera e ta, mescos un tweet di Biden cu ta bisa “nos ta kere nos ta ariba caminda pa gana e eleccion aki.”
Campañadornan di Trump a reclama cu “Silicon Valley ta sigui cu campaña pa censura y silencia e presidente”.
Fuente: BBC