Home Police Motociclista herida despues di a dal cu su Harley contra un Hyundai...

Motociclista herida despues di a dal cu su Harley contra un Hyundai Accent

SHARE

J.E.Irausquin Boulevard – Diadomingo anochi pasa di 9:30 Strand Politie y polis di trafico a ser manda altura di Rio Hotel, unda lo tin un accidente entre auto cu brommer.

Na yegada di polis mesora a cera ambos banda, esta panort y pazuid.

E vehiculonan envolvi ta un Hyundai Accent color cora y un Harley Davidson.

Na e sitio nos a conpronde cu e Hyundai tawata bayendo zuid y dado momento a bay bira na su man robes, y lo no a calcula e distancia di e Harley.

E Harley lo tawata biniendo nort cu velocidad halto y lo a trata di evita un boksmento.

E motociclista a cera brake, pero asina mes ta dal contra e Hyundai heridando su mes.

Ambulance a wordo solicita pa e sitio.

Paramediconan a presenta y despues di algun minuut a opta pa hiba e motociclista Hospitaal pa mas tratamento.

Daño material tambe ta considerabel pa ambos vehiculo.