Home Police Despues di a hit&run un auto, algun hoben a trata di huy...

Despues di a hit&run un auto, algun hoben a trata di huy pero a bolter poco mas leu

SHARE

Santa Cruz – Diadomingo anochi den careda di 7’or informacion a drenta cu un auto a bolter panort di oficina di rijbewijs na Santa Cruz.

 

Mesora varios patruya a sali direccion di e area menciona. Na yegada a bin topa cu un auto Chevrolet color shinishi gebolter.

Tres hoben den dje tawata levemente herida, nada serio.

Agentenan na e sitio a pidi pa ambulance pa controla e ocupantenan.

E accidente a sosode momento cu e auto aki cu e hobennan a dal un BMW den area di e gasoline station.

Chauffeur di e BMW a reacciona y a bira bek bay tras di e auto.

Segun nos a compronde e hobennan a trata di huy, den e coremento pasando e kantoor di rijbewijs a dal contra un pick up color berde bolter.

Ta trata di un auto marca Chevrolet Optra. Na e sitio polis a detene e chauffeur y a pidi transportwagen.

Caminda di Santa Cruz a wordo cera altura di Mundo Nobo y tambe poco mas pazuid di Panaderia Huchada.