Mabon – Diamars marduga pa mas o menos 12:30 polis ta haya notificacion cu e lokaal di Polis di Bario ta na candela.
Esaki tawata motibo pa manda diferente unidad policial, mirando cu un patrouille wagen lo por wordo bombardea cu piedra.
Manera a ser treci dilanti caba, candelanan intencional a lanta cabes for di e prome dia cu TDQ a cuminsa.
Y asina a keda escala, manera e incidente serio algun dia atras den Village unda truck di Brandweer tambe a ricibi daño, momento cu a bay pa un candela.
Diamars marduga segun nos por a compronde varios informacion tawata drenta cu e post di Polis di Bario ta na candela.
Na yegada di polis nan a constata cu no ta Bario Post di Polis pero un cas su dilanti.
E caso aki a bira uno hopi serio, debi cu desconocinan a pone un bari na porta di e cas obstaculisando e habitantenan di sali ora e candela cuminsa.
Danki Dios prome cu Brandweer a yega ya e candela a wordo paga.
Polis na e sitio a pidi pa BFTO, debi cu lo tira un obheto (Molotov cocktail) pa cende e candela.
Esaki ta bay den direccion cu esnan cu a haci esaki lo tawata desea algo sumamente malo pa esnan bibando na e adres aki.
Autoridad lo tin cu haci un investigacion profundo di e caso serio aki y trece dilanti ken ta esunnan cu a comete esaki.
Nos ta sigur cu rapidamente autoridad lo sa di detene e autor/nan di e candela aki.
