Polisnan a detene yiu homber problematico y bou influencia

Dr.Henriquezstraat/Caya G.F.Betico Croes, Diadomingo atardi polis a bay direccion Dr. Henriquezstraat unda un yiu a yega cas bou influencia mensando tur hende.

E cabayero aki cu no ta prome biaha cu e ta haci e sorto di problemanan aki. Ta varios biaha den pasado polis mester a atende ariba su actonan ora e bebe.

Na cas e ta causa dolor na su mama cu ta hende grandi ora e yega y haci problema. E ta stop pa un tempo y ta bolbe haci problema atrobe, pues algo cu ta “normal” pe.

Diadomingo atardi no tawata diferente di e otro biahanan. E biaha aki polisnan a yega y no a haye na e cas.

Despues di tira bista rond a bin haye den Caya G.F.Betico Croes cerca di un minimarket.

Mirando cu si nan lage bay e lo bay haci problema na e cas atrobe a opta pa detene, y hibe warda unda e lo pasa su anochi den cel pa calma su mes.