Candela den baki pickup a kima saco di batata y a haci hopi daño na e auto

Avenida Nelson Oduber (ex Sasakiweg): Diasabra pa mas o menos 11’or y mey di mainta, presencia di polis y brandweer a wordo pidi cu urgencia pa un Nissan pickup cu e baki di e pickup tabata na candela.

Na yegada enberdad nan ta bin nota cu e den e baki di e pickup a start un candela, den e baki tabata tin saco di batata y algun cos mas. E candela a haci hopi daño na e pickup, pero tambe na dado momento e batatanan a cuminsa kima. Algun persona cu tabata pasando eybanda a para pa yuda e doño, cu un brandblusser nan a logra paga e candela.

Na yegada di brandweer toch nan a spuit e pickup cu awa pa ta sigur cu no tin mas candela.

Polis a atende cu e doño di e pickup y a tuma tur datos di loke a caba di sosode.