Haarlem, Hulanda: Tur cos a cuminsa riba diamars 7 di April 2020. Den oranan di anochi a bin topa cu un curpa den e meer Mooie Nel na Haarlem. E curpa tabata lora den un lona y cera cu Duct tape.
Na e momento ey no tabata sa ainda si por ta trata di un homber of muher. Polis a confirma mesora cu ta trata di un asesinato violento.
Team Grootschalige Opsporing (TGO) ta e team cu ta investiga crimen y mesora nan a cuminsa cu un investigacion. Polis di Noord Holland na e momento ey no tabata niun idea ken e victima lo por tabata ta. Posibelmente lo mester a bay haci test di DNA, via e database di personanan perdi na Hulanda pa asina trata na trece mas claridad referente e identidad di e victima.
Segun personanan cu tabata pasa banda di e meer tabata bisa polis cu nan ta mira algo parecido na un saco di plastic grandi ta drief den e awa cerca di e schoteroog (un schiereiland).Diamars polis cu Specialistanan Forensico a dicidi di sali den helicopter pa investiga e saco sospechoso cu ta drief den e awa recreacional aki.
Normalmente den e temporada aki cu tin solo y e weer ta bunita, den e area di e meer aki lo mester tabata hopi druk cu hende, pero door di e coronacrisis ta hopi keto, den e area aki tin varios jachthavens y restaurant. Remarcabel tabata cu na februari polisnan a topa cu un auto completamente kima banda di e meer.
Na prome instante a cuminsa pensa den direccion di hendenan cu recientemente ta perdi, pero na Haarlem no tabata tin recientemente niun persona cu a wordo raporta como perdi. Tres persona tin raporta como perdi for di comienso di 2019, nan ta di Amsterdam, Rotterdam y Aalsmeer. Segun polis e tres nan aki ta casonan cu tin un coneccion cu e circuito criminal y mas probablemente nan a wordo likida caba.
Diahuebs 9 di April, polis a bin confirma cu e curpa haya den e meer na Haarlem ta di un homber y a informa cu e Team Grootschalige Opsporing (TGO) ta investigando e crimen aki. Tambe cu polis ta buscando posibel testigo cu recientemente por a mira algo sospechoso na e meer aki.
Un siman despues cu a saca e curpa for di e meer Mooie Nel, a bin logra confirma e identidad di e persona aki, cu tabata trata di un persona di 31 aña sin vaste woon en verblijfplaats.
Diamars den oranan di mainta famianan di e victima na Aruba a wordo poni na altura cu tabata trata di nan ser keri, e Arubiano Lindomar Maduro di 31 aña.
Polis a informa cu e auto cu a wordo kima na februari na e rand di e meer no tin nada di haber cu e asesinato aki y tambe cu e investigacion di e asesinato cruel aki ta ando, ban spera cu pronto pone man riba e cruel asesino aki.
Arubanative.com kier a extende su mas profundo palabranan di condolencia na famia di e fayecido.
