TikTok a anuncia cu e lo bin cu diferente fondo y iniciativa pa sostene esnan luchando contra e pandemia di COVID-19 y pa yuda individuonan y organisacionan impacta pa e virus.
En total e compania a priminti $375 miyon, esaki ta inclui $250 miyon na fondo, $100 miyon na credito pa propaganda y $25 miyon na espacio di propaganda cu tin meta pa informa riba salubridad publico.
E $250 miyon ta parti den diferente fondonan. Tin e Health Heroes Relief Fund (150 miyon dollar). E organisacion aki lo duna placa na personal medico y lo provee equipo medico tambe.
Tin e Community Relief Fund (40 miyon dollar) cu lo duna placa na e organisacionan cu ta yudando comunidadnan mas afecta pa e crisis. 50 miyon dollar a bay tambe pa sostene e iniciativa di educacion riba distancia (online learning).
TikTok banda di priminti fondonan directo, e lo duna tambe 25 miyon dollar na espacio pa NGOs y organisacionan di salubridad haci propaganda. E app a pone tambe un fondo di $100 miyon den crediet pa propaganda pa negoshinan chikito y mediano afecta pa e pandemia.
Diferente plataforma a anuncia fondonan pa yuda organisacionan afecta pa e pandemia di COVID-19.Google a anuncia cu lo pone un fondo di inversion di 200 miyon dollar. Tambe e lo tin 340 miyon dollar di crediet pa negoshinan chikito y mediano haci propaganda.
Apple a lansa un fondo di 50 miyon pa yuda musico. Facebook a inverti 100 miyon den periodismo mirando cu noticia ta mas importante cu nunca. Twitter a haci un donacion di 1 biyon dollar pa funda e lucha mundial di COVID-19.