Home International Pandemia COVID-19 lo por pusha mas cu mitar di un biyon persona...

Pandemia COVID-19 lo por pusha mas cu mitar di un biyon persona den pobresa, esaki Oxfam ta adverti mundo

SHARE

Oxfam (Oxford Committee for Famine Relief) ta un NGO encarga cu e lucha contra pobresa global. E organisacion ta informa cu na Africa, mitar di tur trabou existente lo por bay perdi si no tuma accion.

Mas cu mitar di 1 biyon persona lo cay den pobresa si accion no wordo tuma pa salba e paisnan mas pober y vulnerabel. E organisacion ta splica cu e paro di actividad economico ta bay tin efectonan devastador.

E impacto di un shut down completo di e economia ta riesga cu un decada completo di desaroyo contra pobresa ta bay perdi. Pa paisnan Africano, esaki por ta hasta 30 aña di esfuerso y desaroyo perdi.

Oxfam a prepara un rapport pa e reunionan virtual cu G20 y Internacional Monetary Fund (IMF) lo tene. Den dje e NGO ta splica cu pa ora e pandemia aki caba mitar di mundo su populacion di 7.8 biyon hende lo por ta bibando den pobresa.

548 miyon persona lo ta bibando cu un entrada di menos cu 10 florin pa dia ($5.50), esaki ta wordo considera un definicion di pobresa segun World Bank.

Esnan pober bibando den paisnan pober no tin un vangnet pa yuda nan. Den e reunionan di G20, IMF y World Bank lo discuti planes pa asisti y suavisa pago di debe pa e paisnan aki.

Kizas lo bay aumenta e fondonan disponel na IMF via un sorto di moneda internacional cu lo bay pa yuda paisnan vulnerabel. United Nations a laga sa tambe cu ta 2.5 triyon dollar mester pa sostene e paisnan aki.

Oxfam ta pidi pa bin un pakete di emergencia pa yuda e paisnan mas pober di mundo. Solamente asina aki e paisnan pober por duna asistencia financiero na hendenan cu a perde trabou y salba negoshinan chikito.