Hopi hende ta puntra nan mes di con tin un cluster (grupo di hende) cu ta positivo pa corona virus na e verblijfsafdeling di respaldo.
Respaldo tabata tin tur su medidanan pa preveni di haña corona virus den su edificio hopi bon regla. E medidanan cu respaldo a tuma a wordo manda na tur stakeholdersnan y respaldo a haña complimento di e staf medico di Hospital pa cu e protocol traha. Apesar di tur esaki toch e clinica di respaldo a hañe confronta cu un situacion di transmision multiple den un afdeling.
Nunca bo por sa antemano unda e prome cluster di un contagio ta bay tuma lugar. El a bira den e caso aki Respaldo pero e por a cuminsa cualkier luga unda hopi hende ta biba hunto.
Na e verblijfsafdeling di Respaldo ta biba 19 hende hunto den un luga cu no ta asina grandi. Tin clientenan cu no tin un camber pa nan mes y tin ta drumi cu mas cu dos den un camber. E clientenan ta come hunto den un sala y ta haci diferente actividad hunto.
Si un empleado of un otro persona di afo drenta e verblijfsafdeling y tin corona virus, e transmision lo sosode lihe bou di e clientenan sin cu nos sa.
Anke respaldo tabata tin su medidanan na vigor caba despues di e prome caso positivo na Aruba. Nunca bo por sa perfecto con un cluster ta cuminsa. Niun di nos ta culpabel riba un malesa asina. Pero si nos ta responsabel pa tuma tur medidanan mas mihor posibel pa evita wordo pega of pega otro hende.
Na e momento aki tin corona positief na e banda di e verblijfsafdeling so. Tur e empleadonan y tur e clientenan di ful e edficio a wordo getest. E otro 3 afdelingenan di e edificio no tin corona virus, tampoco e trahadornan, ni e clientenan.
Nos tin cu warda 2 siman pa wak si e ta keda asina, aki 1 siman nos ta test tur hende negativo atrobe.
E verblijfsafdeling a wordo dividi hopi estricto (cu hekkie halto) den dos parti. Un parti ta cu e clientenan positivo y e otro parti e clientenan cu ta negativo pero cu ta den cuarantena. E resto di e edificio unda tur hende ta negativo ta full dividi.
Den caso cu mas cliente di e verblijfsafdeling test positivo nan ta bay na e parti unda tur esnan positivo ta. Of full e verbijfsafdeling ta haña mesun manera di traha cu na e parti cu e clientenan positivo.
Tur empleadonan ta traha ful proteha, DVG a duna tur material cu ta necesario pa traha sin riesgo. Prome respaldo tabata tin material di Hospital kaba.. Tur medidanan ta wordu decidi conjuntamente cu e Outbreak Management Team di Hospital (dienst infectieziekten en hygiene, longarts, infectioloog, epidemioloog).
Ta resta pa bisa cu e chens cu corona virus por sali for di e verblijfsafdeling di e clinica Respaldo pa pafo of hasta cu Respaldo tabata e comienzo di e casonan na Aruba ta un redo cu no ta cuadra cu realidad.
Na Hulanda y tur otro paisnan tabatin clusters tambe unda hende ta keda hunto den gruponan grandi y pa mala suerte un hende a pega un di e hendenan den e cluster.
Mas cu nunca e situacion na e verblijfsafdeling di Respaldo ta mustra con importante ta pa pone emphasis riba social distancing den e temporada aki. Gobierno a pone sumamante bon instruccion den esey.
Con e lo bai den e edificio di Respaldo awor aki nos tin cu warda un paar di siman.
Laga nos resa cu ningun di nos (8) clientenan cu ta vulnerabel caba ta hana su mes den un peliger grandi. Nos (8) empleadonan algun di nan casi no tin sintomanan mas. Spera cu nan por bay traha lihe atrobe y yuda Aruba cu nan experiencia nobo.