Alemania – Thomas Schaefer, minister di finansas di e estado Aleman, Hesse, ta wordo haya sin bida. E politico su curpa a ser encontra riba un pista di trein.
Ta ser bisa cu e politico tawata sumamente preocupa pa cu e situacion economico cu lo surgi pa motibo di coronavirus. Schaefer tawata tin 54 aña, investigacion preliminario ta conclui cu e a fayece a causa di suicidio.
E estado di Hesse ta hogar pa e cuidad Frankfurt, e centro Aleman mas importante pa locual ta bida financiero di e pais. Frankfurt ta e cuidad unda cu banconan importante manera Deutsche Bank y Commerzbank tin nan headquarters.
E banco ‘European Central Bank’ tambe ta situa na e cuidad di Frankfurt. Sr. Schaefer tawata trahando duro pa yuda companianan y empleadonan anda cu e impacto economico di e pandemia.
Un aliado serca di bondskanselier Angela Merkel a laga sa cu por solamente specula awor con preocupa Schaefer tawata ta. E defunto ta laga atras su señora y dos yiu.