Oranjestad: Diabierna despues cu a sali na cla cu na Aruba tin dos persona infecta cu coronavirus, mesora gobierno a haci varios adaptacion, a cera e scolnan, crechenan y traimerdia. Tambe ta urgi tur hende pa keda cas, limita salimento riba caya.
Mesora varios commerciante local a dicidi di duna cooperacion cu ta na nan alcanse, pa cu e crisis di coronavirus aki.
Windcreek Casinos a cera ambos casino a wordo cera te proximo aviso.
Boolchands a cera su tiendanan te dia 31 di maart.
The Coffee Table a cera te cu proximo aviso. Gari
De Palm Island tambe a dicidi di cera te cu proximo aviso.
Tambe varios otro a adapta nan forma di traha manera Wendys ta duna servicio na bentana so, pa seguridad di nan trahadornan y tambe di nan clientenan.
Otro companianan, restaurantnan cu a dicidi di keda habri a tuma medida, nan ta adaptando nan forma di traha poniendo mas enfasis riba higiena, por ehempel Peanuts Restaurant cu tambe awo ta ofrece e servicio di delivery.
Aruba Bank cu a adapta completamente nan servicio na bienestar di nan empleadonan y cliente.
Pricesmart ta habri un ora mas prome pa asina tin mas ora cu e clientenan por shop.
Botica di servicio tambe a tuma medida di precaucion y lo pone barera riba un distancia entre clientenan y empleadonan cu ta atende cu cliente, tambe nan ta pidi pa porfabor no usa placa cash pero Atm card.
Asina aki por mira con commerciantenan local tambe ta dunando di nan parti pa asina hunto trata na flatten the curve, pa e virus covid-19, no bay for di man na Aruba.