Queen Beatrix International Airport: Diamars marduga Aruba a bay den alerta momento cu un Avion tawata circulando den espacio aereo di Aruba.
Tawata den oranan di mey anochi cu por a scucha un zonido di motor dem halto pero no por a mira esaki, debi cu e tawata bula luz paga. Un milager a pasa cu e avion aki no a dal contra e Helicopter di polis cu tambe ta bula anochi luz paga pa no wordo detecta.
Despues di a bula como 4 pa 5 biaha a cende luz y ateriza sin autorisacion. E avion a bay staciona unda e avion di KLM sa para, pero a wordo movi despues pa un otro area pa asina trabou por sigui normalmente.
Esaki a pone cu Airport Authority mesora a bati alarm y a avisa polis cu a yega mesora.
Cu masha cautela a acerca e Jet, debi cu niun hende sa ken nan ta y cu ki intencion nan a bin Aruba.
Despues di basta rato e dos personanan cu lo tawata bula e avion a sali y a wordo poni sinta abou. Ambos ta Mexicano.
A pidi dos Transportwagen, cu a yega y den un caravana a sali direccion Warda di Playa, unda cu tawata tin dos Paramedico wardando pa cheknan.
Eynan por a mira cu mayoria polis y tambe e dos paramediconan tawata bisti cu e mond kapje, locual a bin ta bisa e lo no proteha bo.
E avion lo tawata tin destinacion Caracas. Pero no sa kiko tawata e motibo cu a pone baha na Aruba. No sa si nan lo por tawata sinti malo, cu a pida pa un Ambulance na stand by na Warda di Playa.
Dos agente di Grens Politie tambe a yega den oranan di marduga na Playa, pa asina sigui cu e investigacion.
Ambos a homber a keda cu nan mond kapje bisti y poni den boei.
Tur dos a wordo hiba den Warda di Polis na Wilhelminastraat.
Unda manera nos a bisa caba cu nan lo wordo someti na interogacion durante dia.
Segun protocol, mester haci test cu nan, pasa tambe si nan tin e Virus den nan sistema y e next step lo bira tur e agentenan cu a trata cu nan tambe lo mestrer wordo someti na e test.
E test ta dura 24ora pa haya un resultado.
