Amsterdam: Diasabra RIVM ( Rijksinstituut van Volksgezondheid en Milieu) a informa cu desde Diabierna dos pashent mas a fayece di Corona Virus y cu esaki a yega na un total di 12 persona. Tambe a informa cu ta trata di personanan grandi cu ya caba tabata sufri di un enfermedad. Tambe a informa cu 155 persona mas a test positivo, cu esaki a yega na un total di 959 persona registra cu ta infecta, di e 959 personanan infecta, 136 so a wordo interna den hospital.
Segun RIVM e cantidad di personanan nobo cu ta wordo infecta ta menos cu di Diabierna ultimo, RIVM a duna di conoce cu esaki tin di haber cu e cambio den e testbeleid, desde 12 di maart no test e hendenan cu tin sintomanan leve di e virus aki no ta wordo getest, esaki ta pa motibo cu Gobierno Hulandes a pone un medida pa tur hende cu cuminsa sinti e sintomanan na prome instante mester djis keda cas. Actualmente ta haci mas test den e grupo di hendenan cu ta core mas riesgo.
Diahuebs 12 di maart gobierno Hulandes a haci un peticion na henter e pueblo Hulandes pa limita contactonan social. Ainda ta mucho trempan pa por mira e efecto di e medida aki.