Un dama herida den accidente na Tanki Leendert

Tanki Leendert – Diadomingo anochi polis di trafico a bay Tanki Leendert unda un accidente a sosode entre un Hyundai Getz y un Kia Rio.

Tawata 8:45 p.m cu trafico a stagna formalmente dilanti un mall na Tanki Leendert. Segun nos a compronde e Hyundai Getz lo a hala na su man robes y dal contra un Kia Rio.

Ambos auto a keda ariba caminda, debi cu nan wiel a kibra.

Ambulance y takelwagen a presenta na sitio.

Dama di e Kia Rio tawata keha di dolor na pecho y mesora a wordo atendi door di Paramediconan.

Takelwagen mester a move ambos vehiculo for di caminda.