101
Oranjestad: Diadomingo atardi pabou di Royal Plaza dilanti Bus station, na momento cu un dama turista a bay para canto di caminda pa mira e parada grandi di Carnaval, un persona den becindario tabata bula un drone y pa un of otro motibo no por a baha e drone bon bek y esaki a cay y a bay dal contra pia di un dama turista. E drone a herida pia di e turista. Mesora a pidi pa presencia di ambulance y polis.
Na yegada personal di ambulance a trata e dama na e sitio y despues a transport’e pa hospital. Segun algun testigo na e sitio, e doño di e drone no a presenta y polis a dicidi di confisca e drone aki. Segun nos a compronde cu for di basta rato e doño tabata haciendo maniobranan raro y irresponsabel cu e drone.