Home » VIDEO ATTACHED: Durante cu motor unit tabata teniendo un control, un taxista lo a trata na lastra polis cu su auto.

VIDEO ATTACHED: Durante cu motor unit tabata teniendo un control, un taxista lo a trata na lastra polis cu su auto.

by Admin
0 comment 75 views

Cumana – Diadomingo den oranan di anochi durante un control di trafico di parti di Motor Unit di polis, na altura di Italo Arubano, a sosode un incidente basta serio.

 

https://www.facebook.com/arubanative/videos/864882730625308/

Durante control e polisnan a para un Hyundai Santa Fe cora, e chauffeur di e auto tabata e homber di inicial A.A.
Polisnan mesora a constata cu e ta burachi y a dune ordo pa e baha for di auto.

E chauffeur a cuminsa resisti y no kier a sigui ordo di polis. E agentenan motorisa a dune varios biaha ordo pa e baha for di su auto.

Mesora polisnan a cuminsa lucha pa sak’e for di e auto.

E no kier a baha y no a keda polis nada otro di boei’e mientras ainda e tabata den su auto. Na momento cu polisnan tabata poniendo e chauffeur den boei, ela pone e auto den drive y a cuminsa primi gasolin, cu e intencion di bay for di e sitio.

Segun nos a compronde e agente su man tambe tabata na e boei, e auto a cuminsa bay algun meter dilanti, aki ta unda e coleganan tur a yega di biaha pa cuminsa stop e homber di sigui bay dilanti cu su auto y evita pa ranca bay cu nan colega colga na e auto.

Basta golpi a cay, di parti di e agentenan y e chauffeur.
E chauffeur tabata grita y puntra “criminal mi ta ?”.

Basta agente policial mester a yuda pa hink’e den e Transportwagen.

E incidente lamentabel aki a pasa dilanti su yiu homber chikito y su casa. E yiu homber tabata hopi spanta y no tabata compronde kiko ta pasando. Polisnan mester a splike e problema y asina ela bin compronde.

Segun su señora, e homber aki kende ta un taxista normalmente no ta asina, pero aparentemente ora e bebe e lo ta bira agresivo.

Awor probablemente elo por wordo acusa di intento di asesinato, pa motibo cu ela trata na lastra un agente policial uniforma cu su auto.

E homber aki ta un taxista pero e no tabata cu su taxi, e tabata cu su auto priva, e momento di e incidente. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio