Home International Prome morto di corona virus na Francia y prome na Europa, un...

Prome morto di corona virus na Francia y prome na Europa, un turista (80)di nacionalidad Chines

SHARE

Un turista di 80 aña di nacionalidad Chines a fayece na Francia despues di a keda infecta cu coronavirus.

Paris, Francia: Durante un conferencia di prensa e Minister Frances, Agnes Buzyn, di Salubridad a informa cu e prome morto di corona virus den Europa a cay na Francia. Tabata trata di un turista Chines di 80 aña.

Esaki ta e prome victima di corona virus cu a cay na Europa, te na e momentonan aki tin cuatro persona cu a fayece pafo di China a consecuencia di corona virus. E tres otronan a muri na Japon, Hong Kong y Filipinas.

Segun Buzyn, e turista Chines aki a fayece diabierna despues di a haya pulmonia ocasiona pa e mesun virus aki. E turista a yega Francia dia 16 di Januari ultimo, e tabata procedente di e provincia Hubei.

E Victima a bira hopi malo y a wordo interna dia 25 di Januari na Bichat Hospital na Parijs y tabata completamente isolal  Segun Buzyn su situacion hopi liher a empeora y cu den algun dia su situacion a bira asina critico cu mester a pone den intensive care.

Na Francia te na e momentonan aki, tin 11 caso di corona virus registra, di cual 3 cu lo a recupera caba y a sali for di hospital, 7 pashent te ainda ta interna den Hospital y un cu a fayece, cu ta e homber Chines di 80 aña.

Mundialmente tin 66.496 hende registra cu ta infecta cu corona virus. Mientras tanto tin 1600 hende registra cu a fayece a consecuencia di e virus aki.