Home Police Hoben bou influencia a causa accidente cu basta daño material

Hoben bou influencia a causa accidente cu basta daño material

SHARE

Paradera – Diasabra den oranan di mainta polis a bay pa un accidente poco pabou di Pacifico bar restaurant na Paradera, unda lo tin un chauffeur burachi envolvi.

Na yegada di e polis no tawata tin hende herida, pero si basta daño material.

E autonan envolvi tawata un Mitsubishi Lancer y un KIA Flatbed cu material di construccion.

Segun chauffeur di e Flatbed cu tawata bayendo direccion pariba,  Mitsubishi Lancer a kita full na su man robes y dal frontal.

Un impacto basta fuerte, mirando cu e Airbags di e Lancer a bula sali.

Na stuur tawata un hoben cu lo a bebe dimas y na yegada di polis di trafico a bay over na detene.

Takelwagen a presenta pa move y bay cu e autonan.