Home International Persona cu no a cuminsa mustra sintoma di Coronavirus ta contagioso caba...

Persona cu no a cuminsa mustra sintoma di Coronavirus ta contagioso caba pa otronan, China ta adverti

SHARE

56 persona a fayece caba di e virus aki na China. E virus aki ta mustra di ta keda plama na otro partinan di mundo. Awor ta resulta cu e Coronavirus ya ta contagioso for di persona cu no ta mustrando sintomanan di e virus. Pues un persona cu ta mustra kizas den bon salud (y no infecta), por ta inconscientemente plamando e virus rond y contagiando otro persona den nan sercania.

Mirando e hecho cu un persona por ta contagioso caba hasta si nan no ta mustra sintoma, esaki lo significa un crecemento rapido den infeccion. Cualkier persona cu no ta na altura cu nan ta infecta por plama e virus na nan famia, amistadnan, coleganan etc. Algo siguramente cu ta haci e lucha contra e virus aki hopi mas complica y dificil.

Presidente Chines Xi Jinping ta teme pa con rapido e virus aki, cu kizas por tin resultado mortal, ta plamando rond di e pais. E director general di e World Health Organization (WHO), Tedros Adhanom Ghebreyesus, ta bayendo China pa asisti cu e crisis aki.
Merca ta pidiendo China pa invita algun di nan top specialista den locual ta malesa contagioso pa bay duna un man. E expertonan aki ta equipa pa investiga y mira con e virus ta plamando. Nan ta ‘on standby’ , pa momento cu China pidi nan ayudo.

Merca tin 4 caso total confirma di e virus. E estado di Los Angeles unda tin un di e casonan di infeccion, ta informa cu no tin un peliger ainda pa e publico y cu mester solamente practica bon higiena (p.e. laba man bon y evita mishi boca, nanishi o wowo.). Actualmente e estado di Californa tin 2 caso. Illinois 1 y Washington tin 1.

Awor por conta cu un total di 2000 caso caba di infeccion, 56 morto y un preocupacion mundial. Sigur mester nota cu esnan mas vulnerabel, pues persona di edad halto o persona cu un sistema inmunologico comprometi ta core mas riesgo di e virus aki. 

E portal di Aruba Native ta sigui monitor e desaroyonan di e Coronavirus di serca pa asina informa su lesadornan debidamente.