Home International E regalo di mas grandi y bunita di Pasco pa Martine tabata...

E regalo di mas grandi y bunita di Pasco pa Martine tabata cu despues di 6 aña cu ela perde su cacho, ela haye bek

SHARE

E regalo di mas bunita di Pasco tabata pa Martine Nys, ora cu despues di 6 aña cu ela perde su cacho un Pastor Aleman, ela haye bek.

Magnee, Luik, Belgica: Riba e di dos dia di Pasco, no tabata tin e miho of mas bunita regalo di Pasco pa e señora Martine Nys, cu ta reuni cu su cacho Madouce, di casi 17 aña bieu.

Riba e di dos dia di Pasco, e cacho den un estado debil, sushi y herida a wordo treci na un Asiel, na FLeron den e provincia di Luik. E cacho tabata cubri pa lodo y sushedad, riba su cuero tabata tin diferente herida cu nunca a wordo trata. Na su yegada na e asiel, riba e chip cu e tabata tin implanta nan por a lesa ken tabata doño di e cacho.

Na prome instante na e Asiel nan a pensa cu ta trata di un cacho full descuida y prome cos cu nan tabata di haci ta puntra e doño di con e tin e cacho den e estado aki. Pero ora nan a yama e doño pa reclam’e y bise cu su cacho a yega na e Asiel, e dama otro banda di e telefon a cuminsa yora y a splicanan cu 6 aña pasa su cacho a disparce.

Martine, doño di e cacho, nunca a stop di busca Madouce, e tabata keda pone riba facebook pagenan di cachonan perdi, ela pone poster di su cacho cu tabata perdi, den e area unda e ta biba, tur su intentonan tabata sin resultado. Te riba e di dos dia di Pasco cu e telefon a ring y e asiel a yama bisa cu su cacho ta bibo y ta eynan.

Mientras tanto Madouce ta bek na su cas cerca su doño.

ñ