67
Wayaca, Watty Vos Boulevard: Diasabra den careda di 6’or di mainta a sosode un accident na e rotonde di Wayaca, un auto a bolter y e chauffeur a keda levemente herida. Mesora a manda polis y ambulance na e sitio.
Na yegada nan a bin compronde cu e auto, un Nissan Blanco, maneha pa un cabayero tabata biniendo for di direccion di Aeropuerto, yegando rotonde Wayaca, ela perde control, y riba e rotonde ela bolter, e auto a keda cu su cuatro wielnan na ariba.
E chauffeur tabata levemente herida, e mes a logra sali for di e auto, despues cu personal di ambulance a trat’e na e sitio a transport’e pa hospital pa un checkeo medico mas avansa.