Home Police Doño di cas na Shiribana a wordo saca afo di su mesun...

Doño di cas na Shiribana a wordo saca afo di su mesun cas: Amigonan adicto lo kier podera di e cas

SHARE

Shiribana – Diahuebs merdia pa mas o menos 2’or varios unidad Policial a dirigi nan mes pa Shiribana, e conocido adres 9B.
E cas aki ta hopi bon conoci pa Cuerpo Policial, constantemente tin problema eynan, algun tempo atras tawata tin un Drive By Shooting unda un persona a resulta herida
.

E problema di diahuebs merdia tawata cu e doño di e cas Roland De Mey tawata furioso para pafo ta grita.

De Mey mes ta un adicto pa basta tempo caba, e cas tawata di su defunto Mama, un cas masha bunita antes cu hopi mata.

Despues cu e mama a fayece poco poco e cas a cuminsa bay atras, te cu ela bira den un semi Choller House.

Segun De Mey, su amistadnan cu tambe ta adicto lo a sake afo y no kier pa e drenta. De Mey tawata manda piedra door di e bentana.

Paden tin un dama adicto tambe conoci di Polis. Momento cu polis a presenta den De Mey su rabia ela dal e dama dilanti Polis.

Esaki tawata un motibo pa mesora detene De Mey.

E dama a keda burla di dje ora cu nan a detene.

Varios patruya mester a presenta si cos a bay for di man, mirando cu paden tawata tin mas adicto.

Un monton di palabra sushi y baha tawata wordo grita na otro.

Na yegada di Transportwagen De Mey a bisa dilanti camara cu wak pa ora e yega bek Evelyn (e dama Adicto) no ta eyden.

Dus cu otro palabra e problema lo bay escala y cu tur su consecuencianan.

Ta masha hopi biaha nos a trece e adres aki den publicidad pa Instancianan cu sa kiko por of no por haci move, prome cu ta laat.

Y ta mustra cu tempo ta cabando.