Rotterdam, Hulanda: Polis hulandes a cuminsa cu un investigacion referente un ladronicia di oro, den cual a horta un cantidad grandi di baranan di oro for di un kluis, e baranan di oro tin un balor di miyones di Euro. Polis na Rotterdam a haci diferente entrada huidicial y tambe a detene algun sospechoso.
E incidente serio aki lo a tuma lugar basta siman atras y despues cu a drenta un denuncia oficial di un ladronicia di un cantidad grandi di baranan di oro, Polis mesora a cuminsa cu un investigacion.
E persona cu a haci e denuncia a duna ordo na un compania cu ta negosha den oro, pa negosha su oro pe, pero e compania a bisa e persona cu nan tin un problema serio, su baranan di oro no ta den e kluis mas, nan a disparce.
Pa e motibo aki diamars den oranan di mainta polis a haci entradanan hudicial na diferente lugarnan na Hulanda, trata di un edificio na Rotterdam, caminda a pone agentenan arma pa cuida e edificio mientras tanto cu e investigacionnan. Polis a detene un homber di 61 aña procedente di Oud Beijerland, como sospechoso, e homber ta deteni y e investigacionnan ta sigui.