Sero Patrishi – Dialuna merdia den careda di 1’or polisnan a bay cu urgencia un adres na Sero Patrishi unda un persona lo a wordo hinca.
Informacionnan adicional tawata papia cu den cas lo ta tur na sanger.
Prome informe tawata cu un homber a hinca un dama y e dama ta na estado.
Polis a yega y mesora a cuminsa busca informacion. Polisnan no a nota nada di sanger, ta parce cu elo a wordo haci limpi prome cu nan a yega.
Na yegada di Paramediconan nan a bay atende cu e dama hoben cu lo tawata hinca, por a mire cana subi e Ambulance.
Despues di algun minuut cu ela wordo controla a resulta cu e dama no tawata tin ningun hinca na su curpa.
Storia a cambia
Durante investigacion a resulta cu durante e problema di pareha e dama a corta e homber cu algo skerpi na su brasa y esaki lo a sangra masha hopi mes.
Pero na yegada di Polis e homber a move di e sitio.
Agentenan a logra comunica cu e homber, pero e cabayero a bira defensivo y no kier a scucha nada di polis.
Eynan tur cos a caba, mirando cu e homber mes lo no ta interesa pa haci denuncia contra su pareha cu ta na estado.