Fin na e buskeda grandi di e top criminal y mas busca pa Husticia Hulandes, Ridouan Taghi a wordo haya y a keda deteni na Dubai. United Arab Emirates.
United Arab Emirates, Dubai: Dialuna durante dia e criminal mas busca pa Husticia Hulades, Ridouan Taghi (41) a wordo deteni den un apartamento na Dubai. Esaki a wordo haci den cooperacion estrecho cu polis di Dubai y tambe cu Cuerpo di policial Hulandes y Ministerio Publico. Ridouan ta wordo sospecha di ta envolvi of a duna ordo pa likidacion, den diferente caso di asesinato y tambe pa traficacion di cocaina. Taghi tabata wordo considera un di e criminalnan mas busca pa Hulanda y e ta un di esunnan mas grandi na cabes di e Mocro maffia na Europa.
Segun polis na Dubai, Taghi a usa paspoort y tambe un visa falso pa drenta United Arab Emirates, e tabata biba den un villa na un residencia mas prestigioso di Dubai.
Ridouan Taghi (41) ta wordo yama tambe ‘ De Neus uit Vianen.” Mas cu un aña y mey pasa a cuminsa cu un buskeda internacionalmente pa Taghi, e tabata riba e lista nacional y internacional di criminalnan cu ta wordo busca pa husticia.