Polis a duna Scooter un stopteken, pero no a cumpli cu e ordo duna

L.G.Smith Boulevard – Diasabra marduga den careda di 5’or patruya di Playa a duna un Scooter color scur señal pa para, esta un Stopteken. 

Tawata na altura di Brug di Sonesta cu polis a duna e Scooter señal pa para, pero e Scooter a dicidi di sigui bay direccion pariba.

Mucho leu e no a yega, door di un plas di awa cu a pone cay. E motociclista a cay den e plas di awa.

Segun testigo: “Nos a mira un auto di polis cu zwaailicht biniendo duro tras di e Scooter, y despues cu ela topa cu e plas di awa ela cay”.

Agentenan a detene e motociclista y cu Transportwagen a hibe warda.