Enkonekshon ku notisia i preguntanan den medionan lokal, enkuanto un posibel traslado di señor G. Jamaloodin for di prizòn na Bonèiru.

Ministerio Públiko ta informá lo siguiente:

Punto di salida ta ku personanan ku a komete un echo kastigabel na Kòrsou i ku tambe a haña un kondena na Kòrsou, tin di sinta nan kastigu na Kòrsou.

Esaki ta konta tambe pa personanan ku ta sospechá di a kometé un echo kastigabel aki na Kòrsou i ku ta sintando un detenshon preventivo, en espera di tratamentu di nan kaso.

Esaki por ta diferente, si pa motibu di seguridat, ta konsiderá nesesario pa aloká e persona enkuestion den un otro instituto den Reino.