Home International Na Inglatera, polisnan a descubri un truck carga cu 39 curpa, e...

Na Inglatera, polisnan a descubri un truck carga cu 39 curpa, e chauffeur a keda deteni como sospechoso di asesinato

SHARE

London, Inglatera, Polis a descubri un truck carga cu un cantidad di cadaver, e chauffeur di e truck a keda deteni como sospechoso di asesinato, despues cu autoridad a descubri tur e curpanan hinka den su truck di carga.

Polis a descubri esaki den oranan di marduga di Diamars pa Diaranson, e curpanan tabata den un container cu e truck tabata lastra esaki a sosode na e cuidad di Grays. Segun polis ta trata di 38 curpa di adulto y un curpa di un hoben. E victimanan ainda mester wordo identifica.

Polis ta sospecha cu e truck ta procedente di Bulgariay cu Diasabra ultimo ela yega Inglatera, via waf Holyhead, Wales. E chauffeur ta un homber irlandes cu a keda deteni como sospechoso di asesinato.

E inspector di polis ta papia di un incidente tragico, e area unda descubri e containernan cu curpa a wordo cera pa investigacion.