L.G.Smith Blvd – Diasabra marduga pa mas o menos 1:30 polis a bay altura di Citgo Boulevard pa un accidente unda tin un ambulance envolvi.
Na yegada polisnan a topa un Ambulance basta kibra y un Toyota Corolla den verboden dilanti e Ambulance.
Segun nos a compronde, e ambulance ariba su ruta bayendo pabou a haya sorprendi cu e Corolla, cu a bin stret ariba den verboden enbes di bay cu e bocht na su man drechi.
Door di no a bay na su man drechi, ela causa e accidente. Akinan e ta dal por bisa frontal contra e Ambulance.
Polis nan e sitio a constata mesora cu e chauffeur di e Corolla tawata bou basta burachi.
Na e sitio ela wordo deteni y transporta pa warda.
Ningun persona a resulta herida den e accidente aki, pero loke ta daño material esey si ta basta.