Informacion ricibi di Cuerpo Policial di Aruba:
Diahuebs pa 6.02 di atardi, un yamada a drenta via nos Central di Polis cu tin un accident hopi grave entre un auto y un brommer riba e caminda pa e anker di Colony.
Dokter Texier a constata morto di e chauffeur di e brommer Gilbert Geronimo Geerman, nasi na Aruba 20 december 1976.
Nos di Cuerpo Policial kier a manda palabranan di condolencia na e famia di e fayecido.
Polis a tene e caminda pa mas cu dos ora cera, manera e noticia a cuminsa circula e tata, varios miembronan di famia y amistadnan yega na e sitio. Polis no a laga e famia pasa pa bay mira nan ser keri, pa motibo cu nan tabata haciendo investigacion y e caminda tabata cera pa nan por haci e investigacionnan necesario. E famia den su angustia y tristesa a keda para na e sitio, nan tabata yora sin consuelo.
E defunto tabata un persona hopi conoci y stima den su bario, e tabata wordo yama Bushman. E defunto tabata traha na Santa Rosa, e ta laga su pareha y 4 yiu atras.
Arubanative.com ta extende nos palabra di mas sincero condolencia na