KEDA PENDIENTE: Aki rato mas imagen y video di e accidente fatal aki.
Seroe Colorado: Diahuebs den careda di 6’or di atardi a sosode un accidente fatal riba e caminda di Seroe Colorado banda di e cura di Colony. E accidente a sosode den e bocht un poco mas pariba di Ex Costa Riba Restaurant. Mesora a manda Polis, ambulance y tambe materiaalewagen di Brandweer pa motibo cu lo tabata tin hende pega den e auto.
Na yegada enberdad nan ta topa cu accidente den cual e motociclista no tabata duna señal di bida mas.
Segun nos a compronde cu e victima recientemente lo a cumpra un motorcycle Scrambler y lo a bay test esaki. Aparentemente e V car, un Hyundai Shinishi tabata biniendo di pariba y lo a tuma e bocht demasiado hancho, net na momento cu e scrambler tabata biniendo di direcion contrario, e impacto tabata hopi fuerte cu e Motociclista a fayece mesora na e sitio.
Polisnan na e sitio di biaha a cera e caminda y a pidi pa presencia di autoridadnan concerni. Pa mas o menos 7’or y mey di anochi , Dr. Texier a presenta na e sitio y a constata morto di Gilbert Geronimo Geerman, naci na Aruba dia 20 di Decemberr 1976.
Arubanative.com ta extende nos mas sincero condolencia na famia di e fayecido.