Home International No ta na Aruba so tabata tin varios entrada hudicial, na Hulanda...

No ta na Aruba so tabata tin varios entrada hudicial, na Hulanda tambe, cerca dos wethouder di Den Haag y tres negoshi

SHARE

Den Haag, Hulanda: No ta na Aruba so husticia ta investigando politiconan, commerciantenan etc. Na Hulanda tambe siman pasa nan a haci entradanan hudicial na dos Wethouder di Den Haag, Richard De Mos y Rachid Guernaoui, e entradanan hudicial aki a wordo haci despues cu pa lunanan largo recherche tabata tap telefon di e dos wethoudernan aki.

Segun fuentenan, den e di dos parti di 2018, Rijksrecherche a ricibi algun informacion cu ta incrimina Wethouder Richard De Mos, pa e motibo aki recherch a cuminsa tap telefon di De Mos y su colega Guernaoui.
Despues cu autoridad lo tabata tin suficiente prueba a haci entradanan hudicial cerca e dos wethoudersnan y tambe na tres negoshi.
Pa e motibo aki e College di e municipio Den Haag a cay.

E investigacion ta dirigi su mes riba ambtelijke corruptie, omkoping y schending van het ambtsgeheim. Segun autoridad, De Mos y Guernaouia a duna permiso na dos establecimento den horeca y ambos wethouder lo a wordo paga pa esaki.