Home » Durante oranan di marduga: Entrada Hudicial buscando atracadornan, a logra detene un dama

Durante oranan di marduga: Entrada Hudicial buscando atracadornan, a logra detene un dama

by Admin
0 comment 59 views

Caya Saba/Caya Bonaire/Pos Chikito – Diasabra marduga den careda di 4’or polis a informa cu entradanan Hudicial tawata tumando luga relaciona cu e recien atraconan.

Durante oranan di marduga bou ordo di Ministerio Publico a drenta dos cas, uno na Pos Chikito y e otro tawata na Caya Bonaire.

Autoridad tawata busca dos persona sospecha di ta meti den e atraconan recien.

Nos a compronde cu ta trata di un muhe y un homber, esta un pareha. Pero, probablemente tin un di tercer persona cu no por wordo confirma ainda.

Durante e entradanan unda e personanan aki ta biba niun di dos a wordo haya.

Algun rato despues nos a compronde cu a logra detene e dama na Caya Saba.

Segun autoridad ta bon pa e homber entrega su mes, door cu aparentemente nan(polis) sa bon bon ken e ta.

Un auto tambe a ser confisca, debi cu segun polis e auto aki a wordo usa pa comete e atraconan.

No ta descarta cu durante dia of dianan polis lo por efectua mas detencion.

“Atraconan cometi aki na Aruba e gran mayoria ta door di Arubiano mes”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio