Despues cu e tawata core zig zag ariba caminda, polis a detene e chauffeur

Tanki Leendert – Diasabra durante oranan di marduga polis a haya informacion di un auto coriendo bastante malo.

Esaki tawata ariba caminda di Tanki Leendert.

Bayendo pa e area a drenta otro informacion cu e auto lo a bay para na e Pompstation na Tanki Leendert.

Polisnan a bay e luga y enberdad a bin topa cu e vehiculo y e chauffeur. Despues di a papia un rato cune a ripara cu e ta burachi y a bay over na detene, esaki ta pa su mesun bon y siguridad di otro automobilistanan.