Hato – Diaranson merdia den careda 1:40 p.m polis y ambulance a ser manda pa e snack situa pazuid di EPB Hato.
Prome informacion cu a drenta tawata bisa cu un persona a wordo gedal na su cabes.
Na yegada di polis nan a baha pa bay controla kiko a pasa unda tawata tin un aglomeracion di mucha.
Banda di e Snack a topa cu e dos hobennan cu a bringa, un di nan tawata tin un kap patras di su cabes.
Segun un testigo, ela mira e dos hobennan aki canando na prome instante bon cu otro.
Despues cu nan a bay parti zuid di e snack eynan e pelea a start.
Un di nan, esun mas halto lo a hisa e otro ariba y despues dal e abou ariba vloer, algo sumamente peligroso.
Despues di mokete bay y bin cos a caba, pero ya un tawata herida cu un kap na cabes.
Polis a separa ambos partido, y a splica un di nan ariba e consecuencianan. Ey mes ela wordo deteni y transporta pa Warda di Playa.
Mientrastanto Paramediconan na e sitio tawata trata e otro hoben na e sitio mes.