Santa Cruz – Diaranson algo prome cu 12’or di merdia un patruya di polis pasando altura di Panaderia Huchada ta topa un boksmento.
Tawata trata di dos auto, caminda un Yaris a dal tras di un otro auto.
Mesora agentenan antento a baha y cuminsa haci nan trabou.
E Hyundai i10 lo a cera brake y e chauffeur di e Toyota Yaris no a mantene distancia y ta dal su tras. Dilanti di e i10 tawata tin un sla, segun polis esey ta un sla bieu y no tin nada di haci cu e boksmento diaranson.
Door di e impacto e señora na stuur di e i10 lo a sinti su nek. Pa e motibo aki polis a pidi pa Ambulance.
Despues di algun minuut un Paramedico a yega den e pick up di Imsan.
Na e sitio mes por a mira e Paramedico controlando e señora.
Despues di a tuma tur datos polis a hala e autonan for di caminda y a laga Forensys sigui cu e resto di trabou, daño material ta minimal.