L.G.Smith Blvd – Diamars atardi drn careda di 4’or polisnan tawata bayendo un biaha mas direccion panort dilanti Marriott. Hopi a pensa cu nan lo tawata bayendo pa e ilegalnan(6 posiblemente falta). A resulta cu nan tawata bayendo pa e beach na Ritz Carlton. Ey nan a bin compronde cu un turista di edad lo a bira malo durante cu e tawata den lama.
Pa mas o menos 6:05 p.m Cuerpo Policial a manda e siguiente informacion:
“Diamars atardi pa 4:05 central di polis ta wordo notifica via di AC cu probablemente un turista masculino la mester a bira malo den lama dilanti Ritz Carlton. Ta asina cu a despacha patruya di polis pa e sitio. Na yegada polis ta bin encontra personal di ambulance re-animando e turista. Lamentablemente no por a haci nada mas y pa 4:55 dr Texier ta constata morto di e turista mericano S.A.S.
di 77 aña di edad.
Slachtofferhulp a presenta pa asina asisti e famia den e momento dificil aki .
Nos di Cuerpo Policial ta manda palabra di condolencia na famia di e fayecido”.