Santa Cruz, San Nicolas: Diasabra durante oranan di marduga pa mainta trempan, polis a logra pone man riba e fugitivo Minguel. Esaki, despues di casi un luna cu e tabata wordo busca pa autoridad. Tabata cuater siman di hopi trabou, buskeda y hopi placa na overtime pa e team di recherche cu tabata encarga cu e caso aki.
Miguel a huy for Warda di Santa Cruz, pasobra despues cu e tabata envolvi den un bringamento na KIA, den cual un preso a keda herida, ela wordo translada pa Warda di Santa Cruz. Segun nos a compronde cu e preso ey tabata molestia, pest un otro preso cu ta famia di Minguel, esaki lo a ponenan rabia asina hopi cu cos a bay completamente for di man. Con ela logra huy y kendenan lo por a yude ta den man di autoridad pa haci nan investigacion.
Miguel a wordo haya na un cas na Urataka, e tabata den compania di un ruman homber, ambos a wordo deteni y hiba mesora transporta pa warda di polis na San Nicolas.
Polis a keda na e cas y a haci un buskeda rigoroso den e cas, pafo y den autonan cu tabata na e cas.
Despues cu autoridad a keda cla cu e detenidonan na Warda di San Nicolas a transportanan pa KIA. Arestatie Team a haci e translado y Mobiele eenheid a asisti nan.
Menos mal un fin trankilo y sin niun incidente.