Armanan di candela y municion haya durante ristamento na e cas unda a detene Minguel Schneiders

Urataca – Manera nos a trece dilanti mas trempan Schneiders a ser haya na un cas situa na Urataca, y a wordo deteni.

E cas a wordo rondona y mas cu claro e no por a bay ningun caminda.

Segun nos a compronde e cas aparentemente ta pertenece na un muhe Jayceline C kende tambe a keda deteni.

Na e cas autoridad a topa cu ruman homber di Schneiders tambe, kende tambe a wordo deteni.

Via vocero di polis a bin compronde cu a haya armanan di candela, bullet proof vests y un cantidad di bala(por mira e fotonan).

No ta conoci kiko lo tawata e intencion di tur e armanan aki.

Menos mal tur cos a termina sin ningun hende herida.