ORANJESTAD, Aruba – Good4theNeigborhood 2019 di Aruba Bank a yega su final y e participantenan a presenta nan proyecto na Plaza Daniel Leo dilanti un publico grandi. E 8 gruponan tabata Glowing Skin Scrubs, Safe, 297 Skin Care, Arubela, Sweet Colors, Bio Bag, Good Luck Wood Company y The Smoothie Shack.
Durante 3 siman e hobennan a ricibi tur e lesnan cu nan tawatin mester pa haci nan presentacion final durante e Final Event di ‘Good4theNeighborhood- Building Entrepreneurs 2019’ uno hopi exitoso. E huradonan tabatin e tarea dificil pa saca e ganadonan, despues di a mira cada presentacion.
E gruponan a haci nan maximo esfuerso pa por a traha riba nan proyecto. E gruponan a bin cu diferente idea di cual nan ta:
- Safe: sakito reuzabel cu studiante por pone su pan aden na ora di lunch
- Arubela: belanan di diferente figura, holor y color traha door di teeners
- Glowing Skin Scrubs: scrubs pa curpa, man y pia
- Sweet Colors: cosnan dushi den colornan atractivo
- Good Luck Wood Company: decoracion di palo
- Bio Bag: un ‘grocery bag’ cu seccion, manera ‘con bag’, ‘fruit bag’ y e por wordo laba
- The Smoothie Shack: batido di fruta fresco
- 297 Skin Care: Habon, ‘bath salt’ y lip balm.
E ganado na prome luga ta e grupo ‘Safe’ cu ta consisti di: Xynia Ras, Roderick Atmowirono y Cayley Figaroa cu nan proyecto di sakito reuzabel pa lunch y e di dos luga tabata e grupo di ‘Sweet Colors’ cu nan proyecto di cosnan dushi y colorido traha door di Carol Onate, Pamela Cange, Lobi Volcy y Veronique Santanilla, e grupo aki tambe a gana e premio di Social Media.
Aruba Bank ta gradici tur e participantenan y nan team pa nan empeño. Tambe nos ta gradici e miembronan di hurado Randolph Croes, Jorge Zarraga, Naline Heilbron, Lorena Alvarez y Iluniza Croes, kendenan a haci un tremendo trabou. Danki na tur e colaboradornan, Exotic Events Rental, Bushi Beard, EE Venture, Parke Arikok, Carlos Roos, Kendrick Frans, Garage Centraal, Arc Digital, Kamer van Koophandel y na tur otro boluntario cu a haci e projecto posibel.
Pabien na tur ganado y participantenan cu a haci G4N – Building Entrepreneurs 2019 uno exitoso.