ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Savaneta – Jara Complex cu dialuna dia 29 di juli 2019 lo bay cera parcialmente pa asfalta e caminda.
E trabounan preparativo lo cuminsa dialuna dia 29 di juli 2019 te cu 2 di augustus 2019 y lo asfalta e caminda dialuna dia 5 di augustus 2019 te cu diaranson dia 7 di augustus 2019.
E caminda cu lo asfalta ta di Savaneta 11Q te cu Savaneta 39I.
Ruta alternativa lo keda indica cu baricadanan y borchinan di aviso y e orario di ceramento lo ta di 8’or di mainta te cu 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.