Home Sports Proximo eventonan di IBiSA luna di Augustus te cu september

Proximo eventonan di IBiSA luna di Augustus te cu september

SHARE

Durante e lunanan di augustus y den september IBiSA ta organisa programanan variabel cu actividad pa un bida activo y tambe con pa cushina saludabel, specialmente pa nos hobennan. E prome programa ta dia 6 di augustus cu un curso di cushinamento pa “Teens” ( edad 12 pa 17 aña). Esaki ta bay tuma lugar na ‘Indoor Cunucu’ (den Edificion di Maggy’s den caya) y tin riba programa con pa traha Pita Pizza, Oatmeal Waffle cu Siroop di blueberry, Batido di fruta y Bowl di Quinoa cu bonchi. 

E ta for di 10’or am pa 12’or di merdia y ta costa 17,50 pa persona. Mester paga esaki prome cu dia 3 di augustus.

 

Siguiente programa pa e ‘Teens’ ta e caminata cu ta tuma luga den Parke Nacional Arikok dia 10 di augustus pa 7’or di mainta cu un costo di awg 7,50 cu mester wordo paga prome cu dia 8 di augustus na oficina di IBiSA na Playa. E suma aki ta pa cubri e desayuno pa e hobennan participando. Trayecto di e “Breakfast Walk” ta “Water Reservoir”, Mil Esperansa, Tene Bida y Ruins. Mayornan por pasa busca e muchanan bek pa 9’or di mainta na Visitor Center na San Fuego. 

 

Dia 8 di september tin e di 40 edicion di ‘Turibana Loop’ cu diferente distancia; nan ta  10.5km, 10.5km relevo, 1.6km pa mucha di 8-13 aña y 400m pa muchanan di 5-7aña di edad. 

E careda cu e distancianan di 10.5km y 10.5km relevo ta cuminsa pa 6’or di mainta y e 1.6km y 400m lo start 15 min despues cu e careda grandi a sali. Inscripcion pa e distancia di 10.5 km ta Awg. 20,=, relevo Awg. 35,= pa ekipo, 1.6km y 400m ta Awg. 15,=. Pa registra bay riba e site  www.turibanaloop.com y pasa paga na oficina di IBiSA na San Nicolas for di 8’or pa 12’or y 1’or pa 4’or di atardi y na IBiSA na playa for di 8’or am pa 4’or pm non stop. 

 

Dia 8 di September for di 5:30 en adelante e caminda dilanti di MFA Noord ta cera pa trafico te cu 8:30 di mainta y durante e careda ta bay ta totalmente cera pa trafico di motor pa asina duna nos hobencitonan e extra seguridad durante nan careda. 

 

Pa mas informacion por tuma contacto cu IBiSA San Nicolas na number 584 8903 y IBiSA na playa 582 4987. Tambe por haci esaki atrabes di e paginan social Instagram y Facebook IBiSA Aruba.

 

JD/JM/MvE