Home Sports Brazil Taekwondo Stichting cu tremendo car wash

Brazil Taekwondo Stichting cu tremendo car wash

SHARE

 

 
Diadomingo cu a pasa Brazil Taekwondo Stichting a tene su car wash na Centro di Bario Brazil. 
Car wash ta un di e formanan cu Brazil Taekwondo Stichting tin pa recauda fondo pa su atletanan.   
Grand Master Chaco Cornelio di Noord Taekwondo Center tabata e prome den e liña pa su auto haña su briyo. Grand Master Chaco Cornelio ta biba pabou di brug y a bin te na Brazil pa asina su auto haña su briyo y tambe contribui cu e team di Train Hard Fight Smart.
 
Sin recauda fondo nunca nos lo por logra nos metanan, mirando cu nos agenda di actividad ta yen y nos ta focus hopi ariba nos atletanan cu ta e futuro di mañan. Brazil Taekwondo Stichting ta gradici na e pueblo cu semper ta cumpra carchi di car wash, pero no ta tur ta trece nan auto pa laba.
Pa e aña aki tin e camp na Europa unda cu ex campeon mundial, coach Olimpico Henk Meijer ta bay guia e team di Train Hard Fight Smart na Europa. Nan lo participa na dos camp training na Spaña y Union na Serbia pa despues bin Aruba pa sigui prepara pa Costa Rica Open.
 
Brazil Taekwondo Stichting ta gradici e mayornan cu a pone man na obra y a laba tur e autonan cu a bin pa laba. Famia Rosalles a bin for di pabou di brug, mientras cu otro a bin for di nan trabou na Hospital pa duna un man y asina por sigui menciona tur esnan cu a bin pa duna un man pa e atletanan cu ta bay representa Aruba den e campeonatonan internacionalnan nos dilanti.