Zeewijk – Diadomingo marduga esnan laborando den e Kazerne di Brandweer na San Nicolas por a scucha un zonido hopi duro. E zonido a bin for di area patras di e Kazerne.
A resulta cu un auto a bolter.
Mirando cu ta trata di un accidente serio mesora polis y ambulance a dirigi nan mes pa e sitio.
E auto cu a bolter tawata un Hyundai Accent. Segun nos a compronde e chauffeur muy probablemente bou influencia tawata biniendo for di pabou, cu velocidad hopi halto.
Door di e mesun velocidad halto ela ranca dos auto staciona y despues sigui bay dal un otro.
Autonan cu a ricibi daño tawata un Hyundai, un Mazda y un Eco Sport. Na final su auto mes a keda benta di banda.
Ekipo di rescate di Brandweer a yuda pa sake for di e vehiculo. E tawata mustra basta zonza.
Paramediconan a atende cune.