Blumond – Diadomingo mainta a sosode un accidente serio na Blumond, pa ta exacto dilanti e supermercado.
Un Ford Explorer bayendo direccion Paradera o sea pabou no a duna preferencia na trafico contrario, y a yega lora pa bay na e supermercado.
Esaki tawata motibo di e accidente, unda cu esnan den e Toyota Cressida a resulta. Tawata trata di 4 persona, dos dama cual uno ta di edad y dos mucha.
E señora di edad tawata esun mas grave, esta cu dolornan fuerte na curpa entre nan na su pecho.
Alco – Sensor test
Polis a laga e chauffeur di e Ford Explorer supla y a resulta cu e tawata coriendo auto bou influencia, cu e consecuencianan ya menciona.
Ela wordo deteni y transporta pa warda.
Un conseho na e Minister di Husticia pa cambia ley y aumento e castigo pa chauffeurnan cu ta core auto burachi.
Aruba tin un problema masha grandi mes di hendenan cu no ta importanan ora di dia pa bebe y subi tras di stuur.
Nan no ta pensa ariba esnan inocente.
Manera den e caso aki, e chauffeur burachi mes no a haya ni un rasca, siendo cu e famia inocente den Cressida tin un señora di edad cu golpinan serio na pecho.