Caya G.F Betico Croes – Catiri Dialuna marduga polis a wordo informa cu e dos homber ta tratando na drenta Burger King na Playa, informacion adicional tawata cu nan ta cu Van color blanco.
Mesora patruyanan a cuminsa tira bista ariba caya, y altura di Catiri a bin haya e Van cu e dos hombernan aden.
Polis a duna e siguiente informacion:
“Dialuna mainta pa 5:21 central di polis ta haya un jamada cu dos hende homber den un Van blanco ta purbando di kibra e porta di Burger King den caya grandi.
Na yegada di patruya no por a topa cu e dos anti socialnan ni e Van blanco. Di biaha e unidadnan riba caminda a cuminsa cu un busceda di e personanan aki y na Catiri patruya ta logra para e Van blanco cu e dos hende hombernan . Den e Van patruya ta bin topa cu un caha fuerte ( safe ) , tambe un palo y pata di cabra . A sigui busca den e Van y ta bin encontra cu un arma di candela . E dos hombernan a wordo deteni y hiba warda di polis di biaha. Departamento di recherche presenta y tuma e investigacion. E Van a wordo confisca mas e resto di cosnan y hiba warda di polis na unda polis technico lo sigui haci nan investigacion.
Cuerpo policial ta pidi un biaha mas esun cu sa algo of a wak algo jama e tiplijn di polis 1114″.